ਟਰੰਪ ਵੱਲੋਂ ਭਾਰਤ ‘ਤੇ ਲਾਏ ਗਏ ਟੈਰਿਫ਼ਾਂ ਤੋਂ ਬਾਅਦ MCDONALDs ਅਤੇ ਕੋਕਾ-ਕੋਲਾ ਤੋਂ ਲੈ ਕੇ ਐਮਾਜ਼ੋਨ (AMAZON) ਅਤੇ ਐਪਲ (APPLE) ਤੱਕ ਅਮਰੀਕਾ ਅਧਾਰਿਤ ਬਹੁਕੌਮੀ ਕੰਪਨੀਆਂ ਨੁੂੰ ਭਾਰਤ ਵਿੱਚ ਬਾਈਕਾਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਭਾਰਤ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸਮਰਥਕ ਅਮਰੀਕੀ ਟੈਰਿਫਾਂ ਦੇ ਵਿਰੋਧ ਵਿੱਚ ਅਮਰੀਕਾ ਵਿਰੋਧੀ ਭਾਵਨਾਵਾਂ ਨੂੰ ਹੁਲਾਰਾ ਦੇ ਰਹੇ ਹਨ।
ਭਾਰਤ ਦੁਨੀਆ ਦਾ ਸਭ ਤੋਂ ਵੱਧ ਆਬਾਦੀ ਵਾਲਾ ਦੇਸ਼ ਹੋਣ ਕਾਰਨ ਅਮਰੀਕੀ ਬਰਾਂਡਾਂਂ ਲਈ ਇੱਕ ਮੁੱਖ ਬਾਜ਼ਾਰ ਹੈ। ਭਾਰਤ ਵਿੱਚ ਬਹੁਤ ਸਾਰੇ ਲੋਕ ਕੌਮਾਂਤਰੀ ਲੇਬਲਾਂ ਵੱਲ ਝੁਕਾਅ ਰੱਖਦੇ ਹਨ ਅਤੇ ਅਜਿਹਾ ਕਰਨ ਨੂੰ ਸਮਾਜਿਕ ਰੁਤਬੇ ਦੇ ਤੌਰ ‘ਤੇ ਦੇਖਦੇ ਹਨ।
